QazaqshaҚазақтың ұлттық тағамдарын әзірлейтін мейрамханалар мен кафелер

Дизайны толықтай қазақи нақыштағы кафеде ұлттық тағамдардың түр-түрі бар. Жұмыс күндері сағат 12:00-ден 15:00-ке дейін түскі асқа 30% жеңілдік болады. Піскен нанның ішінде берілетін сірне — 3200 теңге, бешбармақ 2000 теңге тұрады. Кафеде 3990 теңгеге қақталған сиыр, жылқы, үйрек етінен және қазыдан дайындалған «Жігіттер» деп аталатын ассорти бар.

Мейрамханадағы барлық сорпаның бағасы — 2000 теңге. Жылы бауырсақпен бірге берілетін хош иісті сорпа, жас бұзаудың етінен дайындалатын кеспе көже, классикалық қазақша нарын бар. Көп мейрамхананың ас мәзірінде жоқ, жаңа сойылған малдың етінен жасалатын қарын бөртпе тағамы мұнда шағын топ үшін әзірленеді. Бағасы — 25000 теңге.

Басқа тамақтану орындарымен салыстырғанда «Аспандияр Экспресте» тағамдардың бағасы қолжетімді. Бешбармақ бар болғаны — 1490 теңге, жылқы етінің қуырдағы — 1450 теңге.  1150 теңгеге жая, қазы қосылған қазақша салат бар.

Туристердің жиі баратын жері — «Көк Төбеде» орналасқан мейрамханадан қаланы жоғарыдан тамашалауға болады. Шаймен қоса 3000 мың теңгеге жент, ірімшік, құрт, чак-чак, тарыдан тұратын қазақша ассортиге тапсырыс бере аласыз. Балқаймақ та тіскебасарлардың қатарында ұсынылған.

Бауырсақты қаймақпен беретін бірден-бір орын. Бағасы - 880 теңге. Мейрамхана қонақтарының көпшілігі бұл жерді айрықша интерьері үшін ұнатады. Qaimaq қазақтың тағамдарын ұсынып қана қоймай, оның дәстүрін де ұстанады: әр қонағына кетерде сарқыт береді.

Дәмді палау орталығы саналатын Rumi-де бешбармақ өзгеше рецепт бойынша дайындалады: фетучини пастасының қамыры, сиыр еті, жая, қазы, тұздық. Қасына бауырсақ пен құрт қоса беріледі. Бағасы — 2690 теңге. Ұсақ туралған сиыр еті, шампиньон, ірімшік, пияз, тортильядан әзірленетін қазақша пиццаны да осында табасыз. Бағасы — 2090 теңге.

Кафенің ас мәзірінде қазақи таңғы ас бар. Егер оған тапсырыс берсеңіз, қасына кофе сыйлыққа беріледі.

Қала тұрғындары Navat-ты шығыс елдерінің лебі есетін атмосферасы мен дәмді тағамдары үшін жақсы көреді. Шайханада фаворитке айналған тағам түрі — сүтті қамырдың негізінде дайындалатын хан самса. Ет қосылған хан самсаның бағасы — 3850 теңге. Ас мәзірінде 1910 теңгеге тұздыққа салынған қайнатылған балғын сиыр еті де бар.

Мейрамханада салтанатты кештерді, тойларды өткізуге арналған 180 адамдық банкет зал, жазғы терасса және балалалға арналған ойын бұрышы бар. Ас мәзірі тек қазақ асханасының тағамдарымен шектелмейді. Шағын ұжымға тағамдарды алдын-ала тапсырыс беруге болады. 3,5 кг қуырдақ — 15000 теңге, 4,5кг бешбармақ — 35000 теңге тұрады.

Тандыр — ұлттық жәдігерлер жинақталған мейрамхана-музей. Ет тағамдары тандырда пісірілетіндіктен дәмі тіл үйірерліктей дәмді. Далада балалар үшін ойын алаңы бар.