Informburo-ның хабарлауынша, 28 желтоқсан жалпыұлттық қаралы күн деп жарияланды. Бұл туралы Қасым-Жомарт Тоқаевтың баспасөз-хатшысы Берік Уәли мәлімдеген. Бұл күн Алматы облысында Bek Air ұшағының құлау салдарынан жолаушылар қаза табуына байланысты қаралы болып жарияланған. Қазіргі уақытта 16 адам өлімі мен 66 зардап шеккен жолаушы жайлы белгілі. Олардың арасында балалар бар.

Еске сала кетейік, 27 желтоқсан сағат 07:22-де Алматыдан астанаға бағытталған Bek Air ұшағы ұшу кезінде биіктікті жоғалтып, бетон қоршауды тесіп өткен. Бортта 95 жолаушы болған. Кейбір ақпарат бойынша, ұшақ ешкім болмаған екі қабатты ғимаратқа соғылған. Оқиға куәгерлері мен зардап шеккендердің кейбірі медициналық көмектің оқиға орнына 40 минуттан соң ғана жеткенін айтты.

ОБЛОЖКА: nation-news.ru